Uejkajkia Pablo uan Silas kiuikatijkej Jehová kema tsaktoyaj (Hch 16:25). Ipan ni tonali, toikniuaj nojkia kiuikatijkej Jehová kema kintsaktoyaj ipan Sachsenhausen (Alemania Nazi), uan nojkia kema kinuikakej Siberia. Ni kinextia nopa uikatl tlen ika tijueyichiuaj Jehová kinyolchikaua toikniuaj katli kiixnamikij tlaouijkayotl.

Nechka kisas ipan miak tlajtoli nopa yankuik amochtli Cantemos con gozo a Jehová. Kema tijselisej ni yankuik amochtli, kualtiaskia tikompauisej nopa uikatl kema timomachtisej ininuaya tochampoyouaj uan tijtsontekontlalisej (Ef 5:19). Tlaj kiampa tijchiuasej, kema tijpiasej tlaouijkayotl, toTeotsij itonal techpaleuis ma tikilnamikikaj nopa uikatl tlen tijtsontekontlalijtosej. Nopa uikatl tlen ika tijueyichiuaj Jehová techpaleuia ma timosentlalikaj ipan tlen toTeotsij kiijtojtok techmakas. Nojkia techpaleuia ma tikijiyouikaj tlen ueli tlaouijkayotl. Uan kema kuali tiitstokej, uelis tijuikatisej Jehová ika nopa uikatl, kiampa tijnextisej tiyolpakij (1Cr 15:16; Sl 33:1-3). Yeka, ma tijchiuakaj se ueyi kampeka tijtekiuisej nopa uikatl tlen ika tijueyichiuaj Jehová.

ACHTOUI XIKITA NOPA VIDEO SE UIKATL TLEN KINYOLCHIKAJKI KATLI KINTSAKTOYAJ, UAN TEIPA XIJNANKILI NI TLAJTLANILI:

• ¿Kenke toikni Frost kichijki se uikatl?

• ¿Kenijkatsa kinyolchikajki nopa uikatl kema kintsaktoyaj ipan Sachsenhausen?

• ¿Kema uelis mitsyolchikauas nopa uikatl tlen ika tijueyichiuaj Jehová?

• ¿Tlake uikatl tlen ika tijueyichiuaj Jehová mitspaktiskia tijtsontekontlalis?