¿Ajkia inijuantij kuali tikinselisej? Nochi katli yauij tlanechikoli; katli namanok peuaj monechikouaj uan nojkia katli ya uejkajtok tikinixmatij (Ro 15:7; Heb 13:2). Uelis techpaxalos se toikni katli eua ipan seyok altepetl o se toikni katli ayokmo monechikouayaya. Tlaj ta tieliskia nopa toikni, ¿mitspaktiskia kuali ma mitsselikaj? (Mt 7:12). Yeka, moneki ma tijchiuakaj kampeka titetlajpalosej kema ayamo peua tlanechikoli uan nojkia kema tlamis. Kiampa nochi kuali kiyolmatisej uan kiampa nojkia tijueyichiuasej Jehová (Mt 5:16). Maske amo nochi uelis tikinnojnotsasej, tlaj nochi tijchiuaj kampeka titetlajpalosej, katli techpaxalosej ipan tlanechikoli kuali kiyolmatisej. *

Kinamiki nochipa kuali tikinselisej sekinok uan amo san kema mochiua se tlanechikoli tlen tlauel ipati, kej kema tikilnamikij Cristo imikilis. Kema sekinok maseualmej peuaj monechikouaj uan kiitaj nelnelia timoikneliaj, kinyololinia ma kinekikaj kiueyichiuasej Jehová uan kitekipanosej (Jn 13:35).