Ipan ni xiuitl peuas tijchiuasej miak tlamantli kema nechka moilnamikis Cristo imikilis. Pampa kema mochiuas ipan semana, amo mochiuas tlanechikoli Kej Timonejnemiltiaj uan Titlajtolmoyauaj, uan tlaj mochiuas ipan sábado o domingo, uajka amo mochiuas tlanechikoli kampa kipanoltiaj se tlamachtili ika Biblia yon pilamochtsi Tlen Tematiltia. ¿Tlake uelis tijchiuasej uan kiampa kuali timokualchijchiuasej? Kej ipan achtoui siglo kikualchijchiuayayaj se keski tlamantli, ipan ni tonali nojkia moneki kiampa tijchiuasej (Lu 22:7-13; km 3/15 iamayo 1). Moneki tijkualchijchiuasej toyolo, ¿kenijkatsa tijchiuasej?

• Ma timoyoliljuikaj tlauel ipati tiasej kema moilnamikis Cristo imikilis (1Co 11:23-26).

• Ma timomaijtokaj uan ma tikitakaj kenijkatsa timouikaj iuaya Jehová (1Co 11:27-29; 2Co 13:5).

• Ma tijpouakaj se tlamachtili kampa kiixtoma kenke tlauel ipati Cristo imikilis uan ma timoyoliljuikaj ipan tlen tijpouaj (Jn 3:16; 15:13).

Uan kema moilnamiki Cristo imikilis, sekij kipouaj ipan Biblia nochi tlen panotiajki uan moyoliljuiaj ipan tlen kipouaj. Ipan pilamochtsi Mojmostla timomachtiaj toTeotsij iTlajtol kiitstiauij tlake kipouasej sejse tonali. Sekij kipouaj textos tlen nesi ipan recuadro tlen eltok tlatsintla. Nojkia sekij kipouaj pilamochtsi Tlen Tematiltia, kampa kiixtoma kenke tlauel ipati Cristo imikilis uan kenijkatsa Jehová uan Jesús tlauel techikneliaj. Tlen timomachtis mitspaleuis nojua ximonechkaui iuaya Jehová uan iKone.