KEJ TIMONEJNEMILTIAJ
Ma tijpatiitakaj nopa tlamachtili tlen Jehová techmaka
¿KENKE TLAUEL MONEKI? Jehová tlauel kuali techmachtia. Yeka, tlen techmachtia techpaleuia ipan tonemilis uan nojkia techpaleuis teipa kema tiitstosej ipan yankuik Tlaltipaktli. Kema Jehová techmachtia amo kema techinama (Isa 11:6-9; 30:20, 21; Ap [Rev] 22:17). Yeka, pampa Jehová techmachtia uelis tikinmachtisej sekinok uan tikinpaleuisej ma momanauikaj (2Co 3:5).
¿TLAKE UELISKIA TIJCHIUASEJ?
-
Ma tijchiuakaj kampeka amo timoueyimatisej (Sl 25:8, 9).
-
Ma tijselikaj nochi tlamachtili tlen Jehová techmaka, kej kampa techmachtiaj kuali ma titlamachtikaj.
-
Ma timosentlalikaj tijchiuasej se keski tlamantli ipan Jehová itlanechikol (Flp 3:13).
-
Nojua ma techmachtikaj, kiampa kuali titlajtolmoyauasej (Flp 3:8).
ACHTOUI XIKITA NOPA VIDEO TLEN JEHOVÁ TECHMACHTIA TECHPALEUIA KUALI MA TITLANELTOKAKAJ, UAN TEIPA XIJNANKILI NI TLAJTLANILI:
-
¿Tlake tlaouijkayotl kiixnamijkej toikniuaj katli kinekiyayaj yasej Kampa kinmachtiaj tlajtolmoyauanij?
-
¿Tlake tlamachtili kiseliaj Kampa kinmachtiaj tlajtolmoyauanij?
-
¿Kenijkatsa kinpaleuiaj toikniuaj ma momatikaj itstosej kampa tlatekipanouaj?
-
¿Tlake moneki kichiuasej katli kinekij yasej Kampa kinmachtiaj tlajtolmoyauanij? (kr-S iamayo 189).
-
¿Ipan tlake sekinok escuelas kampa kinmachtiaj Jehová itlajtoltemakauaj mitspaktiskia tias?
¿Tlake tlateochiualistli tijpiasej tlaj tijchiuasej kampeka tijselisej nopa tlamachtili tlen Jehová techmaka?