Jacob moteuik iuaya se iluikaejketl pampa kinekiyaya Jehová ma kiteochiua (Gé 32:24-31; Os 12:3, 4). ¿Tijchiuaj tlen Jehová kiijtoua pampa tijnekij ma techteochiua maske kemantika eli ouij? Ma timoiljuikaj se tonali moneki tijtlapejpenisej tlaj tiasej tlanechikoli o tiasej titlakouatij, ¿tlake tijchiuaskiaj? Tlaj tijmakaj Jehová tochikaualis, tonali uan tlen tijpiaj, ya nochipa techteochiuas uan amo tleno techpolos (Mal 3:10). Nojkia techyakanas, techmokuitlauis uan nochipa techmakas tlen techpoloua (Mt 6:33; Heb 13:5).

ACHTOUI XIKITA NOPA VIDEO XIMOSENTLALI TIJTEKIPANOS JEHOVÁ KEJ TIMOILJUIJTOK, UAN TEIPA XIJNANKILI NI TLAJTLANILI:

• ¿Tlake tlaouijkayotl kiixnamijki toikni?

• ¿Kenijkatsa toteki uelis kichiuas ayokmo kuali ma tijtekipanokaj Jehová?

• Maske Timoteo kuali tlaneltokayaya, ¿kenke nojua monekiyaya mosentlalis kichiuas sekinok tekitl ipan Jehová itlanechikol? (1Ti 4:16).

• ¿Tlake tlauel tijpatiitaj?