¿KENKE TLAUEL MONEKI? Tlaj katli tikinmachtiaj kinekij kuali mouikasej iuaya Jehová, moneki kimaktilisej ininnemilis uan moatsonpoliuiltisej (1Pe 3:21). Uan katli kichiuaj tlen kiiljuijkej kema motemaktilijkej, toTeotsij kinmokuitlauis (Sl 91:1, 2). Cristo itokilijkauaj tijmaktilijkej tonemilis Jehová, amo tijmaktilijkej se maseuali, se tekitl o seyok tlamantli. Yeka, katli tikinmachtiaj moneki kiiknelisej Jehová uan kitlepanitasej (Ro 14:7, 8, TNM).

¿TLAKE UELISKIA TIJCHIUAS?

• Kema timomachtijtos iuaya se akajya, xijnextili tlake kimachtia tlen Jehová nopa tlamachtili. Xijnextili kenke tlauel ipati mojmostla kipouas Biblia uan nochipa momaijtos (1Te 5:17; Snt 4:8).

• Xijpaleui katli tijmachtia ma mosentlali kimaktilis Jehová inemilis uan ma moatsonpoliuilti. Nojkia xijpaleui ma kiniljui sekinok tlen momachtia o ma kipakti tlanankilis ipan tlanechikoli. Xikilnamiki Jehová amo aka kichiualtia ma kitekipano, uan nojkia xikilnamiki se akajya iselti moneki kitlapejpenis tlaj kimaktilis Jehová inemilis (Dt 30:19, 20).

• Xijpaleui katli tijmachtia ma kipatlatia inemilis tlaj kineki kiyolpakiltis Jehová uan moatsonpoliuiltis (Pr 27:11). Kemantika sekij kimatij tlauel ouij kipatlasej inintlalnamikilis uan kikauasej tlen momajtoyaj kichiuaj. Yeka, uelis monekis nojua tijpaleuijtias katli tijmachtia ma kipatlatia inemilis (Ef 4:22-24). Xijnextili se keski tlamachtili tlen kistia ipan pilamochtsi Tlen Tematiltia, tlen itoka: “Biblia kinpaleuik kuali ma monejnemiltikaj”.

• Xikiljui katli tijmachtia tlauel tiyolpaki pampa tijtekipanoua Jehová (Isa 48:17, 18).