Ipan pilamatsi Tlen tijchiuasej ipan tlanechikoli tlen metstli septiembre nesis se yankuik tlaxeloli ipan iamayo se, tlen techpaleuis ma titemakakaj amatlajkuiloli, motokaxtis “Ma titlamachtikaj tlen melauak”. Ika se tlajtlanili uan se texto tikinnextilisej maseualmej se tlamachtili tlen Biblia tlen moneki kimatisej.

Tlaj se maseuali kuali techtlakakilis uelis tijmakasej se amatlajkuiloli o tijnextilisej se video tlen eltok ipan jw.org, kiampa sampa uelis tijpaxalotij. Kema panotos se ome tonali, sampa ma tikitatij. Nopa tlaxeloli “Ma titlamachtikaj tlen melauak” uan nopa tlamachtili tlen kipanoltisej toikniuaj, mokixtis ipan tlamachtili tlen eltok ipan amochtli ¿Tlake nelnelia tlamachtia Biblia? Ipan nopa recuadro “Tlen tlamachtia Biblia” tijpantisej se keski textos tlen techpaleuis sampa ma tikinpaxalokaj maseualmej o ma titlamachtikaj san ika Biblia.

San onka se ojtli tlen teuika kampa nemilistli (Mt 7:13, 14, TNM). Maseualmej katli ininuaya timonojnotsaj kineltokaj miak tlamantli uan kampa ueli euaj, yeka moneki tijchiuasej ma kinekikaj kimatisej tlen Biblia tlamachtia (1Ti 2:4). Tlaj nojua tijkuamachilijtiasej sekinok tlamachtili tlen Biblia uan tlaj nojua kuali tijtekiuisej toTeotsij iTlajtol, tlauel techpaktis titlamachtisej uan kuali tikinpaleuisej sekinok ma kimatikaj tlen melauak (2Ti 2:15).