¿KENKE TLAUEL MONEKI? Ipan nopa amatlajkuiloli tlen tlauel tijtekiuiaj kema titlamachtiaj, nesi nopa sitio de Internet jw.org. Nopa tarjeta de contacto uan nopa pilamatsi ¿Uelis technankilisej nopa tlajtlanili tlen tlauel ipati?, mochijki pampa kiampa maseualmej ueliskiaj kitlachilisej ni sitio. Uelis tijtekiuisej jw.org tlaj tijnekij tijtitlanisej se amatlajkuiloli tlen tlauel tijtekiuiaj uan uelis tijchiuasej ipan formato electrónico o ika se enlace. Ni tlauel techpaleuis tlaj tijpantia ipan tlajtolmoyaualistli katli kamati seyok tlajtoli. Nojkia ipan jw.org uelis tijnankilisej sekinok tlajtlanili tlen amo monankilia ipan nopa amatlajkuiloli tlen tlauel tijtekiuiaj. Yeka, tlaj tijmatij kenijkatsa tijtekiuisej ni sitio de Internet, techpaleuis kuali titlajtolmoyauasej.

¿TLAKE UELISKIA TIJCHIUAS?

• Xijtekiui kampa kiijtoua “TLEN BIBLIA TLAMACHTIA”. Tlaj tijneki tikamanaltis ika se tetaj katli kitekipachoua kenijkatsa kiniskaltis ikoneuaj, xijtemo ipan TLEN BIBLIA TLAMACHTIA > MOCHAMPOYOUAJ UAN KATLI MOSENKAJTOKEJ.

• Xijtekiui kampa kiijtoua “AMATLAJKUILOLI”. Tlaj se telpokatl kamanalti ika se katli iuaya momachtia ipan escuela uan kineki kinextilis nopa pilamochtsi Monankilia 10 tlajtlanili tlen telpokamej kinekij kimatisej, uelis kitemos ipan AMATLAJKUILOLI > AMOCHTLI UAN PILAMOCHTSITSIJ.

• Xijtekiui kampa kiijtoua “TLEN TIJCHIUAJ”. Tlaj tikamanalti iuaya se katli iuaya titekiti uan tijneki tikixtomilis tlen tijneltokaj, xijtemo ipan TLEN TIJCHIUAJ > TLEN KINEKIJ KIMATISEJ.

ACHTOUI XIKITA NOPA VIDEO KUALI XIJTEKIUI JW.ORG, UAN TEIPA XIMOILJUI KANKE TIJTEMOSKIA IPAN JW.ORG NI TLAMANTLI:

• Kema tikamanaltis iuaya se akajya katli amo kineltoka toTeotsij.

• Kema tijyolchikauas se katli kipixki se ueyi tlaouijkayotl.

• Kema tijpaleuis se toikni katli ayokmo monechikoua yon tlajtolmoyaua.

• Kema tikixtomilis se akajya kenijkatsa moixtlaua tlen tijchiuaj.

• Kema se akajya katli uala ipan seyok altepetl kineki yas tlanechikoli kema tlakuepilis ipan ialtepe.