Pablo kitekimakak Tito ma ‘kintlali ueuejtlakamej [...] ipan sejse altepetl’. Nama ipan ni tonali toikniuaj katli tepaxalouaj chijchikuasej metstli, nojkia kichiuaj kej kiijtoua ipan Biblia kema kiitaj tlaj se toikni tlatekipanos kej ueuejtlakatl.
KATLI KINYAKANAJ JEHOVÁ ITLAJTOLTEMAKAUAJ
Kej kichiuayayaj ipan achtoui siglo, Katli kinyakanaj Jehová itlajtoltemakauaj kintekimakatokej toikniuaj katli tepaxalouaj chijchikuasej metstli inijuantij ma kiijtokaj tlaj se toikni tlatekipanos kej ueuejtlakatl o tlapaleuijketl.
TOIKNIUAJ KATLI TEPAXALOUAJ CHIJCHIKUASEJ METSTLI
Kema nojua ayamo kiiljuiaj nopa toikni tlaj kena tlatekipanos kej ueuejtlakatl o tlapaleuijketl, toikniuaj katli tepaxalouaj chijchikuasej metstli momaijtouaj uan kuali kitlachiliaj tlen ueuejtlakamej kiijtouaj.
UEUEJTLAKAMEJ TLEN TLANECHIKOLI
Kema se toikni kitekimakaj kej ueuejtlakatl, moneki nojua kichiuas tlen Biblia kiijtoua ma kichiuakaj katli kintekimakatokej ipan tlanechikoli.
