Kema tijtekipanouaj Jehová, uelis tijchiuasej ma techilnamikikaj pampa tijchiuaj tlamantli tlen kuali. Sanse kej se tetata kiilnamiki ika tlaiknelili tlen ikone kichijki, Jehová nojkia kiilnamiki nochi nopa kuali tlamantli tlen tijchiuaj uan ‘nopa tekitl tlen tijchiuaj pampa tikikneliaj’ (Mt 6:20; Heb 6:10). Maske amo nochi sanse tlamantli tiuelij tijchiuaj uan amo sanse kej tiitstokej, tlaj tijtekipanouaj Jehová ika nochi toyolo tlauel tiyolpakisej (Gál 6:4; Col 3:23). Ipan nopa xiuitl tlen panotok, miakej toikniuaj tlatekipanojtokej ipan kali Betel. ¿Uelis nojkia tijchiuas kej nopa toikniuaj? Uan tlaj amo tiueli, ¿uelis tijpaleuis se toikni ma tlatekipanoti o tijpaleuis se tlen mochampoyouaj nojua ma tlatekipanojto ipan kali Betel?

ACHTOUI XIKITA NOPA VIDEO ¿TLAKE MONEKI TIJCHIUAS TLAJ TIJNEKI TITLATEKIPANOS IPAN KALI BETEL?, UAN TEIPA XIJNANKILI NI TLAJTLANILI:

• ¿Tlake techpaleuis tijnekisej titlatekipanosej ipan kali Betel?

• ¿Tlake kiijtojtokej se keskij toikniuaj pampa tlatekipanojtokej ipan kali Betel?

• ¿Tlake moneki kichiuasej katli kinekij tlatekipanosej ipan kali Betel?

• ¿Tlake moneki tijchiuas uan kiampa titlatekipanos ipan kali Betel?