Jehová amo techikoita (Hch 10:34, 35). ToTeotsij kinselia maseualmej “tlen kampa ueli tlaltinij uan tlen nochi xinachtli tlakamej [...] uan tlakamej tlen kamatij nochi tlamantli tlajtoli” (Rev 7:9). Yeka, ipan Jehová itlanechikol amo kinamiki timochikoitasej yon timochikoiknelisej (Snt 2:1-4). Nochi katli tijtekipanouaj toTeotsij tiitstokej sansejko uan ika tlayolseuilistli, uan tikitstokej kenijkatsa sekinok nojkia kipatlatiauij ininnemilis (Isa 11:6-9). Tijnextiaj tijchiuaj kej toTeotsij, kema amo tikinchikoitaj sekinok (Ef 5:1, 2).

• Maske maseualmej kinektokej kinpaleuisej sekinok ayokmo ma techikoitakaj, ¿kenke san tlen toTeotsij techmachtia nelia techpaleuia amo ma titechikoitakaj?

• ¿Tlake tlamantli tlen kinextiaj toikniuaj ipan nochi Tlaltipaktli tlauel tijpatiita?

• ¿Kenke kema timosentikapaleuiaj tijueyichiuaj Jehová?