¿KENKE TLAUEL MONEKI? Tlaj maseualmej kinekij kiueyichiuasej toTeotsij kej kinamiki, moneki kimatisej tlake tlanauatia uan kichiuasej tlen kinnauatia (Isa 2:3, 4). Nopa amochtli Ma inmechiknelijto toTeotsij, tlen nojkia tijtekiuiaj kema titlamachtiaj, kinpaleuia maseualmej ma kiitakaj kenijkatsa uelis kichiuasej ipan ininnemilis tlen Biblia tetlajtolmaka (Heb 5:14). Tlaj kuali timoiljuiaj kenijkatsa tikinpaleuisej katli tikinmachtiaj, nopa tlamachtili asis ipan ininyolo. Kiampa kema kipatlasej ininnemilis, kichiuasej ika nochi ininyolo (Ro 6:17).

¿TLAKE UELISKIA TIJCHIUAS?

• Kuali ximokualchijchiua. Kuali ximoiljui tlake tlamantli kipaleuis katli tijmachtia. Xijtlajtlanili kenijkatsa kiita tlen inmomachtiaj, kiampa tijmatis tlake moiljuia uan tlake kiyolmati (Pr 20:5; be-S iamayo 259).

• Ika nopa recuadros xijnextili kenijkatsa tlauel kipaleuis tlaj kichiuas tlen Biblia tetlajtolmaka.

• Xijpaleui kuali ma moiljui kenijkatsa kitlapejpenis tlen kichiuas. Maske tijpaleuis, amo kinamiki tikiljuis tlake moneki kichiuas (Gál 6:5).

• Xijtlachili tlaj moneki tijpaleuis ma kichiua tlen Biblia tetlajtolmaka. Ika tlaiknelili xikiljui kinextis kiiknelia Jehová tlaj nojua kipatlatias se keski tlamantli ipan inemilis (Pr 27:11; Jn 14:31).