¿KENKE TLAUEL MONEKI? Jehová kichiua nopa kuali tlamachtili ma asi ipan ininyolo maseualmej katli kinekij kitlakakilisej (Hch 13:48; 1Co 3:7). Tojuantij tijnextiaj tijpaleuiaj Jehová kema tijchiuaj kampeka tikinpaleuisej maseualmej ma kichiuakaj tlen Biblia kiijtoua (1Co 9:26). Maseualmej moneki kikuamachilisej tlaj kinekij momanauisej, achtoui moneki moatsonpoliuiltisej (1Pe 3:21). Tlaj katli tikinmachtiaj tijnekij ma elikaj Jesús itokilijkauaj, moneki tikinpaleuisej ma kipatlakaj se keski tlamantli ipan ininnemilis, ma tlajtolmoyauakaj, ma kinmachtikaj sekinok, ma motemaktilikaj uan ma moatsonpoliuiltikaj (Mt 28:19, 20, TNM).

¿TLAKE UELISKIA TIJCHIUAS?

• Xikiniljui katli tikinmachtia ika Biblia tijneki tikinpaleuis ma kiixmatikaj Jehová uan ma kiueyichiuakaj (Jn 17:3).

• Tlaj tijneki nojua kuali ma tlaneltokakaj, xikinpaleui kema kiixnamikisej kuesoli uan kema kintlapejpenisej ininuampoyouaj.

• Xikinpaleui uan xikinyolchikaua kema nojua momachtiaj uan kema ya moatsonpoliuiltijtosej (Hch 14:22).

ACHTOUI XIKITA NOPA VIDEO JEHOVÁ MITSPALEUIS, UAN TEIPA XIJNANKILI NI TLAJTLANILI:

• ¿Kenke sekij amo motemaktiliaj uan moatsonpoliuiltiaj?

• ¿Tlake uelis kichiuasej ueuejtlakamej tlaj kinekij kinpaleuisej katli momachtiaj Biblia nojua kuali ma tlaneltokakaj?

• ¿Tlake techmachtia tlen Jehová tlen kiijtoua Isaías 41:10?

• ¿Tlake kuajkuali tlamantli techpaleuia nojua ma tijtekipanokaj Jehová maske titlajtlakolejkej?