Kema Pablo uan Silas kintsaktoyaj, inijuantij kiueyichijkej Jehová ika uikatl (Hch 16:25). Tlen kichijkej kinpaleuik ma kiijiyouikaj. Ipan ni tonali kema tiuikaj ipan tlanechikoli uan kema tijkakij uikatl tlen eltok ipan sitio jw.org, techpaleuia ma timoyolchikauakaj uan ma tikixnamikikaj kuesoli. Nojkia kema tiuikaj tijueyichiuaj Jehová (Sl 28:7). Seyok tlamantli tlen techpaleuis eli tijtsontekontlalisej se keski uikatl. ¿Tijchijtok ni tlamantli? Kualtiaskia tikompauis nopa uikatl kema timomachtis ininuaya mochampoyouaj uan tijtsontekontlalis.

ACHTOUI XIKITA NOPA VIDEO KONEMEJ KIUEYICHIUAJ JEHOVÁ IKA UIKATL, UAN TEIPA XIJNANKILI NI TLAJTLANILI:

• ¿Kenijkatsa nopa uikatl tlen ika tijueyichiuaj Jehová uelis techpaleuis?

• ¿Kenijkatsa mokualchijchiuaj nopa Departamentos de Audio uan Video kema ayamo kipeualtiaj se grabación?

• ¿Tlake kichiuaj konemej uan ininchampoyouaj kema ayamo kipeualtiaj se grabación?

• ¿Tlake uikatl tlen ika tijueyichiuaj Jehová tlauel mitspaktia, uan kenke?