Ipan nochi xiuitl tlen panotok, tekichiuanij miakpa kipaleuijtokej Jehová ialtepe (Esd 6:1-12; Est 8:10-13). “Tlaltipaktli” kiixnextia nochi tlamantli o maseualmej katli tepaleuiaj. Uan ipan ni tonali tikitstokej kenijkatsa “Tlaltipaktli” kejuak kitolojtok nopa “atl” tlen kiixnextia kema Satanás kintlatsakuiltia toTeotsij itekipanojkauaj (Ap 12:16). Jehová, toTeotsij katli “techmanauia”, miakpa kinyololinijtok tekichiuanij ma kinpaleuikaj itekipanojkauaj (Sl 68:20; Pr 21:1).

Tlaj mitstsaktokej pampa kuali titlaneltoka, ximotemachi Jehová nochipa mitsmokuitlauis (Gé 39:21-23; Sl 105:17-20). Uelis timotemachis Jehová nochipa mitsteochiuas pampa kuali titlaneltoka, uan pampa amo tijtlauelkaua, tikinyolchikauas miakej toikniuaj ipan nochi Tlaltipaktli (Flp 1:12-14; Ap 2:10).

ACHTOUI XIKITA NOPA VIDEO TOIKNIUAJ TLEN COREA KATLI TSAKTOYAJ, KINKIXTIJKEJ, UAN TEIPA XIJNANKILI NI TLAJTLANILI:

• ¿Kenke ipan miak xiuitl tlen panotok kintsajkej miakej toikniuaj tlen Corea del Sur?

• ¿Kenke tlanauatianij nimantsi kinkixtijkej se keski toikniuaj katli tsaktoyaj?

• ¿Kenijkatsa uelis tikinpaleuisej toikniuaj katli kintsaktokej pampa kitekipanouaj Jehová?

• ¿Tlake ueliskia tijchiuasej pampa amo techtsajtokej?

• ¿Ajkia kinamiki tijuejkapantlalisej pampa tekichiuanij kinpaleuijtokej toikniuaj?