Tlauel moneki ma timotemachikaj ipan Jehová kema tijpiaj tlaouijkayotl uan nojkia kema kuali tiitstokej (Sl 25:1, 2). Ipan siglo chikueyi a.u.J., nopa judíos katli itstoyaj ipan Judá kiixnamijkej se ueyi tlaouijkayotl, uan monejki kinextisej tlaj nelia motemachiyayaj ipan Jehová. Tlen kichijkej nelia tlauel techpaleuia (Ro 15:4). Achtoui xikita nopa video “NoTeko Jehová, ipan ta nimotemachia”, uan teipa xijnankili ni tlajtlanili:

1. ¿Tlake tlaouijkayotl kiixnamijki Ezequías?

2. ¿Kenijkatsa kichijki Ezequías tlen kiijtoua Proverbios 22:3 kema kikualchijchijki tlen monekiyaya ipan Jerusalén?

3. ¿Kenke Ezequías amo kinejki motemaktilis yon mopaleuis iuaya Egipto?

4. ¿Kenke tlen Ezequías kichijki tlauel kinpaleuia Cristo itokilijkauaj?

5. ¿Ipan tlake tlamantli moneki tijnextisej nelia timotemachiaj ipan Jehová?