TLEN TLAUEL IPATI KATLI BIBLIA TLAMACHTIA | ISAÍAS 34-37
ToTeotsij kiteochijki Ezequías pampa kuali tlaneltokak
Tlanauatijketl Senaquerib kititlanki Rabsaqué ma kiniljuiti jerusaléneuanij ma motemaktilikaj. Asiriaeuanij kitemolijkej kenijkatsa kichiuaskiaj ininseltsitsij ma motemaktilikaj.
-
Kinekiyayaj ma moiljuikaj itstoyaj ininseltsitsij. Kiniljuijkej Egipto amo kinpaleuiskia (Isa 36:6).
-
Kinekiyayaj ayokmo ma tlaneltokakaj. Kiniljuijkej Jehová amo kinmanauiskia pampa kualantoya ininuaya (Isa 36:7, 10).
-
Kinekiyayaj kinmajmatisej. Kiniljuijkej asiriaeuanij kinpixtoyaj miakej soldados yeka amo ueliskiaj kintlanisej (Isa 36:8, 9).
-
Kintenkauilijkej miak tlamantli. Kiniljuijkej kuali itstoskiaj tlaj motemaktiliskiaj (Isa 36:16, 17).
Ezequías nochipa tlaneltokak ipan Jehová
37:1, 2, 14-20, 36
-
Kikualchijchijki nochi tlen monekiyaya ipan Jerusalén tlen kinpaleuiskia tlaj asiriaeuanij kinyaualoskiaj.
-
Kiiljuik Jehová ma kinmanaui uan kiniljuik jerusaléneuanij nojkia ma motemachikaj ipan Jehová.
-
Jehová kiteochijki Ezequías pampa tlaneltokak ipan ya. Yeka toTeotsij kititlanki se iluikaejketl katli kinmiktik 185,000 asiriaeuanij ipan se youali.
