Jehová, tlauel kipatiita tlen kiijtojkej kichiuasej katli mosenkajtokej, uan kineki nochipa ma itstokaj sansejko (Mt 19:5, 6). Maske miakej toikniuaj katli mosenkajtokej tlauel yolpakij, nochi titlajtlakolejkej, yeka inijuantij nojkia kiixnamikij kuesoli. Kema kiampa kinpano amo moneki moiljuisej kuali itstosej tlaj mokauasej o kiixpolosej nopa amatl kampa nesi mosenkajtokej. Uajka, ¿tlake kinpaleuis nojua kuali ma itstokaj?

Ma tikitakaj makuili tlamantli.

1. Xijmokuitlaui moyolo uan amo xikajasi katli amo eli monamik yon ximoyolpakilti ika tlamantli kampa nesij momekatiaj, pampa ni tlamantli kichiuas ayokmo kuali xiitsto iuaya monamik (Mt 5:28; 2Pe 2:14).

2. Kuali ximouampojchiua iuaya Jehová uan xijchiua kampeka kuali tiitstos iuaya katli timosenkajtok (Sl 97:10).

3. Nojua xijnexti kuajkuali tlamantli uan xijnexti tlauel tikiknelia monamik kema tijmaka se tlenijki (Col 3:8-10, 12-14).

4. Nochipa ximonojnotsa iuaya monamik uan ximotlepanitakaj (Col 4:6).

5. Xijnextikaj inmoikneliaj kema inmotekaj sansejko (1Co 7:3, 4; 10:24).

Tlaj katli mosenkajtokej kinextiaj kipatiitaj pampa itstokej sansejko, kinextisej kitlepanitaj Jehová pampa ya kichijtok ma itstokaj sansejko.

ACHTOUI XIKITA NOPA VIDEO NOJUA ‘XIMOTLALO IPAN NOPA OJTLI’ UAN XIKIJIYOUI NOCHI: XIMOTLALO “KEJA KIIJTOUA TLANAUATILI”, UAN TEIPA XIJNANKILI NI TLAJTLANILI:

• Maske katli mosenkauaj tlauel yolpakij, ¿tlake kuesoli uelis kipiasej teipa?

• ¿Tlaj katli mosenkajtokej moiljuiaj ayokmo moikneliaj, ¿kenijkatsa uelis kinpaleuis tlen Biblia tetlajtolmaka?

• ¿Tlake kintlajtolmaka Jehová katli mosenkajtokej?

• ¿Tlake moneki kichiuasej katli mosenkajtokej uan kiampa nochipa yolpaktosej?