¿Tlake tlaouijkayotl tikixnamiki mojmostla? ¿Tikinpia mochampoyouaj uan tijchiua kampeka tikinmokuitlauis? ¿Moselti tikiniskaltia mokoneuaj uan ouij tijmati tijpantis tlen ika inmopanoltisej? ¿Kampa timomachtia mitspinajtiaj o mitstlaijiyouiltiaj? ¿Timokokoua o ya tiueuejtixtok? Maske nochi tijpiaj tlaouijkayotl, sekij toikniuaj amo kiixnamikij san setsi tlaouijkayotl, kiixnamikij miak. Tlauel techyolchikaua pampa tijmatij toTeotsij nechka kitlamiltis ni tlamantli (2Co 4:16-18).

Maske ayamo asi nopa tonali, tlauel techyolchikaua pampa tijmatij Jehová kikuamachilia tlen techpano, yolpaki pampa amo tijtlauelkauaj uan pampa tikijiyouiaj nochi, uan ya kiijtojtok techteochiuas teipa (Jer 29:11, 12). Jesús nojkia kitekipachoua tlen techpano. Kema tijchiuaj kampeka kuali titlatekipanosej, ya techiljuia: “Na niitstos inmouaya” (Mt 28:20). Tlaj timoiljuisej ipan nochi tlateochiualistli tlen tijselisej kema toTeotsij iTlanauatijkayo techmalakanis, techpaleuis ma timotemachikaj ipan tlen tijselisej uan uelis tikijiyouisej nochi tlaouijkayotl tlen tikixnamikisej (Ro 8:19-21).

ACHTOUI XIKITA NOPA VIDEO KEMA ONKAS TLAOUIJKAYOTL, MA TIJSENTLACHILIJTOKAJ JESÚS. TLEN PANOS TEIPA, UAN TEIPA XIJNANKILI NI TLAJTLANILI:

• ¿Kenijkatsa maseualmej mouejkatlalijtokej tlen toTeotsij uan tlake panotok?

• ¿Tlake tlateochiualistli kiselisej katli amo kitlauelkauasej Jehová?

• ¿Tlake tlamantli uelis kichiuas teipa kuali ma tiitstokaj?

• ¿Tlake tijneki tikitas ma moaxiti ipan Xochimili?