Ipan ni tonali miakej maseualmej “kiiljuiaj kuali tlen axkuali, uan tlen axkuali kiiljuiaj kuali” (Is 5:20). Nama miakej kichiuaj tlen Jehová kikualankaita, sekij tlakamej kichiuaj tlen amo kuali ika sekinok tlakamej, uan siuamej nojkia kiampa kichiuaj ika sekinok siuamej. Katli ininuaya momachtiaj topilkoneuaj o sekinok maseualmej uelis kiniljuisej ma kichiuakaj tlen amo kuali. Tetajmej, ¿kenijkatsa uelis inkinpaleuisej inmokoneuaj amo ma kichiuakaj tlen kiniljuisej?

Xikinmachtikaj itlanauatiljuaj Jehová (Le 18:3). Kej moskaltijtiasej, xikinmachtikaj tlake kiijtoua Biblia kema se akajya moteka iuaya seyok (Dt 6:7). Ximotlatsintokilikaj: “¿Nikinmachtijtok nokoneuaj kenijkatsa kinextisej kiikneliaj se akajya kej kinamiki? ¿Kimatij kenke moneki ma moyoyontikaj kej kinamiki? ¿Kimatij kenke sekinok moneki kintlepanitasej kema itstokej ininselti? ¿Kimatiskiaj tlake kichiuasej tlaj se akajya kinekis kinnextilis pornografía o kiniljuis ma kichiuakaj tlen amo kuali?”. Tlaj kimajtosej ni tlamantli, amo mokalakisej ipan kuesoli (Pr 27:12; Ec 7:12). Kema tikinkualchijchiuaj tokoneuaj tijnextiaj tijpatiitaj nopa nemaktli tlen Jehová techmakatok (Sl 127:3).

ACHTOUI XIKITA NOPA VIDEO XIKINPALEUI MOCHAMPOYOUAJ MA KIIJIYOUIKAJ NOCHI: XIKINPALEUI MOKONEUAJ AMO MA KICHIUAKAJ TLEN AMO KUALI, UAN TEIPA XIJNANKILI NI TLAJTLANILI:

• ¿Kenke sekij tetajmej kiouijmatij kinixtomilisej ininkoneuaj kema se akajya moteka iuaya seyok?

• ¿Kenke tetajmej moneki kintlalnamiktisej uan kinmachtisej ininkoneuaj tlen Jehová “kineki ma kimatikaj”? (Ef 6:4).

• ¿Kenijkatsa Jehová itlanechikol kinpaleuijtok tetajmej uan kiampa kuali kinmachtisej ininkoneuaj? (w19.05 iamayo 12).

• ¿Kenke tetajmej moneki achtoui kuali mokamanaljuisej ininuaya ininkoneuaj uan amo kichiasej kema ya onkas se kuesoli?