¿Tieli se telpokatl o mitsmachtiaj ika Biblia uan tijneki timoatsonpoliuiltis? ¿Kenke moneki timoatsonpoliuiltis? Pampa kema timotemaktiliaj uan timoatsonpoliuiltiaj techpaleuia kuali ma timouikakaj iuaya Jehová uan uelis timomanauisej (Sl 91:1; 1Pe 3:21). ¿Tlake moneki tijchiuas tlaj tijneki timoatsonpoliuiltis?

Ximotemachi tiitstok ipan religión tlen melauak. Tlaj amo kuali tijkuamachilia se keski tlamantli, nojua ximomachti (Ro 12:2). ¿Moneki tijpatlas se keski tlamantli? Xijpatla monemilis pampa nelia tikiknelia Jehová (Pr 27:11; Ef 4:23, 24). Xikiljui Jehová ma mitspaleui uan ximotemachi ya mitspaleuis ika itonal (1Pe 5:10, 11). Tlauel tiyolpakis tlaj tijtekipanos Jehová, yeka xijchiua kampeka (Sl 16:11).

ACHTOUI XIKITA NOPA VIDEO TLEN MITSPALEUIS XIMOATSONPOLIUILTI, UAN TEIPA XIJNANKILI NI TLAJTLANILI:

• ¿Tlake tlaouijkayotl kiixnamijkej sekij toikniuaj pampa kinekiyayaj moatsonpoliuiltisej?

• ¿Tlake mitspaleuis nojua kuali titlaneltokas uan kiampa timotemaktilis ika Jehová?

• ¿Tlake kinpaleuik sekij toikniuaj ma kinekikaj moatsonpoliuiltisej?

• ¿Kenijkatsa kinteochiua Jehová katli kinekij kitekipanosej?

• ¿Tlake kiijtosneki timotemaktilis uan timoatsonpoliuiltis?