¿Tijnekiskia nojua tlauel titlajtolmoyauas kema nechka moilnamikis Cristo imikilis? (2Co 5:14, 15). Ipan marzo uan abril, precursores auxiliares uelis temakasej 30 o 50 horas. Tlaj uelis titlatekipanos kej precursor auxiliar, xijtemiti se solicitud uan xikinmaka nopa Eyij ueuejtlakamej tlen kiitaj se keski tekitl ipan tlanechikoli. Ipan tlanechikoli moijtos ajkia inijuantij tlatekipanosej kej precursores auxiliares ipan nopa ome metstli, kiampa toikniuaj uelis kinpaleuisej kema tlajtolmoyauasej. Ma tijchiuakaj kampeka nojua kuali titlajtolmoyauasej uan timoyolchikauasej ininuaya toikniuaj kema nechka moilnamikis Cristo imikilis (1Te 5:11).