Jehová kichijki israeleuanij ma mosentikapaleuikaj, uan nama nojua kiampa kichiua pampa kineki ma kichiuakaj ipakilis. Kali Betel, circuitos, tlanechikoli uan katli mosentiliaj kema yasej tlajtolmoyauatij mosentikapaleuiaj pampa kinekij maseualmej katli itstokej ipan nochi Tlaltipaktli ma kikakikaj nopa kuali tlamachtili, uan nojkia katli kamanalti seyok tlajtoli (Ap 14:6, 7).

¿Timoiljuitok timomachtis seyok tlajtoli uan kiampa tikinmachtis maseualmej toTeotsij iTlajtol? Tlaj timoiljuia amo tiuelis pampa tijpia miak tekitl, uelis tijtekiuis JW Language uan kiampa timomachtis kenijkatsa peuas tikinkamanaljuis maseualmej katli kamanalti seyok tlajtoli. Kema tikijtos tlen timomachtik tlauel tiyolpakis kej toikniuaj tlen achtoui siglo kema kinkamanaljuijkej maseualmej katli kamanaltiyayaj sekinok tlajtoli tlen nopa “uejueyi tlamantli tlen toTeko kichijtok” (Hch 2:7-11).

ACHTOUI XIKITA NOPA VIDEO XIMOUAMPOJCHIUA IUAYA JEHOVÁ: XITLAJTOLMOYAUA IPAN SEYOK TLAJTOLI, UAN TEIPA XIJNANKILI NI TLAJTLANILI:

• ¿Kema uelis tijtekiuisej JW Language?

• ¿Kenijkatsa uelis tijtekiuisej?

• ¿Tlake tlajtoli kamanaltij maseualmej kampa titlajtolmoyauaj?

• ¿Tlake moneki tijchiuasej tlaj se akajya katli kamanalti seyok tlajtoli kineki momachtis Biblia? (od-S iamayo 100 párrs. 39-41).