Samuel amo kema kitlauelkajki Jehová. Kema nojua eliyaya okichpil, mosentlalik amo kichiuas kej Ofni uan Finees katli amo kuali monejnemiltiyayaj (1Sa 2:22-26). Uan maske Samuel moskaltik Jehová nojua kipaleuiyaya (1Sa 3:19). Kema ya eliyaya ueuentsi, nojua kineltokak Jehová maske ikoneuaj amo kuali monejnemiltijkej (1Sa 8:1-5).

¿Tlake techmachtia tlen kipanok Samuel? Telpokamej uelis motemachisej Jehová kimati tlake tlaouijkayotl kiixnamikij uan kenijkatsa kiyolmatij. Uajka, ya uelis kinpaleuis amo ma majmauikaj (Is 41:10, 13). Tetajmej katli kinpiaj ininkoneuaj katli ayokmo kitekipanouaj Jehová, uelis kinyolchikauas kema kiitaj Samuel amo kinchiualtik ikoneuaj ma kineltokakaj toTeotsij. Samuel kikajki ma kipaleui Jehová, amo kitlauelkajki uan nochipa kiyolpakiltik. Tlaj tetajmej kichiuaj kampeka kuali monejnemiltisej, uelis ininkoneuaj sampa kitekipanosej toTeotsij.

ACHTOUI XIKITA NOPA VIDEO ¿TLAKE TIJYEKOUAJ IKA TLEN KINPANOK?: SAMUEL, UAN TEIPA XIJNANKILI NI TLAJTLANILI:

• ¿Kenijkatsa Samuel kinextik amo majmauiyaya kema nojua eliyaya okichpil?

• ¿ Kenijkatsa Danny kinextik amo majmauiyaya?

• ¿Kenijkatsa Samuel kinextik kuali monejnemiltiyayaj kema ya ueuejtixtoya?

• ¿Kenijkatsa Danny itatauaj kichijkej tlen kinamiki?