Tlaj katli tikinmachtiaj ika Biblia kinekij kuali mouampojchiuasej iuaya Jehová, moneki kuali kintlapejpenisej ininuampoyouaj (Sl 15:1, 4). Tlaj kiampa kichiuasej, kinpaleuis kuali ma monejnemiltikaj (Pr 13:20; lff tlamachtili 48).

Kema tikiniljuis katli tikinmachtia ayokmo ma mouikakaj ininuaya katli amo tlaneltokaj, xijnexti tijpia moyolo, pampa uelis ouij kimatij ayokmo mouikasej ininuaya. Yeka, moneki tijchiuas kampeka tijtlajkuiljuilis, tijnojnotsas o tijpaxalos. Uan tlaj kinextia kuali tlaneltokatia, xijtlaneui ma yaui mouaya kema timoyolpakiltis ininuaya sekinok toikniuaj. Kiampa kiitasej uelis kinpiasej kuali ininuampoyouaj (Mr 10:29, 30). Uan ta nojkia tiyolpakis kema tikitas sekinok kinekij mouampojchiuasej iuaya Jehová.

ACHTOUI XIKITA NOPA VIDEO XIKINPALEUI KATLI TIKINMACHTIA AMO MA MOUIKAKAJ ININUAYA KATLI AMO TLANELTOKAJ, UAN TEIPA XIJNANKILI NI TLAJTLANILI:

• ¿Ajkia inijuantij amo elij kuali touampoyouaj? (1Co 15:33).

• ¿Kenijkatsa moiljuia Jade moyolpakiltiaj toikniuaj?

• ¿Kenijkatsa Rita kipaleuik Jade ma kinpia kuali iuampoyouaj?