ToTeotsij iTlajtol techpaleuia ma tijpatlakaj tonemilis (Heb 4:12). Tlaj amo tijneltokaj Biblia nelnelia eli toTeotsij iTlajtol, amo techpaleuis tlen nopaya kiijtoua, tlen techtlajtolmaka uan tlanauatili tlen nopaya eltok (1Te 2:13). ¿Tlake techpaleuis nojua ma timotemachikaj ipan Biblia?

Mojmostla xijpoua Biblia. Kema tijpouasej, ma tikitakaj tlake kinextia Jehová kichijki ma moijkuilo. Se neskayotl, kema tijpouasej Proverbios ma tikitakaj kenijkatsa ipan ni tonali nojua techpaleuia tlen techtlajtolmaka (Pr 13:20; 14:30).

Xijpeualti ximomachti se tlamantli. Moneki kuali tijmatisej tlake kinextia toTeotsij nelnelia kichijki ma moijkuilo Biblia. Techpaleuis tlaj tikitasej nopa pilamochtsi Tlen ika momachtiaj Jehová itlajtoltemakauaj, xijtemo kampa kiijtoua “Biblia” uan teipa kampa kiijtoua “ToTeotsij kichijki ma moijkuilo”. Nojkia, tlaj timomachtiaj apéndice A3 ipan Traducción del Nuevo Mundo, techpaleuis ma timotemachikaj tlen Biblia kiijtoua amo mopatlatok.

ACHTOUI XIKITA NOPA VIDEO ¿KENKE TOTLANELTOKILIS MOTEMACHIA... IPAN TOTEOTSIJ ITLAJTOL?, UAN TEIPA XIJNANKILI NOPA TLAJTLANILI:

• ¿Kenijkatsa tlen kipantijkej ipan se tlapepecholi ipan teopamitl tlen Karnak (Egipto) kinextia toTeotsij iTlajtol kiijtoua tlen melauak?

  Your answer

• ¿Kenijkatsa tijmatij tlen Biblia kiijtoua amo mopatlatok?

  Your answer

• ¿Tlake techmachtia pampa nojua tijpiaj Biblia ipan ni tonali? (Xijpoua Isaías 40:8).

  Your answer