¿Kenke moneki timokualchijchijtosej? Nochi uelis techpanos se tlamantli tlen amo kuali o monekis ma techuikakaj hospital. Tlaj ayamo kiampa techpano, moneki nama tikitasej tlake uelis tijchiuasej tlaj tijnekij kuali ma techpajtikaj. Kiampa tijnextisej tijpatiitaj tonemilis uan tijtlepanitaj Jehová itlanauatiljuaj kampa kiijtoua amo moneki timotlalilisej estli (Hch 15:28, 29).

¿Kenijkatsa timokualchijchiuasej?

• Kema ya timoyoliljuijtos uan timomaijtojtos, xijtemiti nopa tarjeta de instrucciones médicas (DPA). a Katli ya moatsonpoliuiltijtokej, uelis kitlajtlanisej toikni katli temaka amatlajkuiloli. Tetajmej nojkia uelis tlajtlanisej nopa Tarjeta de identidad (ic) uan kinmakasej ininpilkoneuaj.

• Katli tlanemiltiaj nojkia uelis kintlajtlanisej ueuejtlakamej nopa amatl Información para mujeres embarazadas (S-401). Ni kinpaleuis kuali ma kitlapejpenikaj kenijkatsa mopajtisej kema nojua tlanemiltiaj uan kema tlakatis ininpilkone.

• Tlaj tepajtianij kinekiskiaj mitstlalilisej estli o mitsiljuiaj monekis timokauas ipan hospital, xikinmatilti ueuejtlakamej uan xikiniljui katli mitspajtiaj tijneki ma mitspaxalo se tlen Jehová itlajtoltemakauaj.

¿Kenijkatsa uelis mitspaleuisej ueuejtlakamej? Maske inijuantij uelis mitspaleuisej kema tijtemitis nopa tarjeta DPA, amo kitlapejpenisej kenijkatsa moneki mitspajtisej yon mitsiljuisej tlake moneki tijchiuas (Ro 14:12; Gál 6:5). Tlaj tepajtianij kinekisej mitstlalilisej estli kema mitspajtisej, xikinmatilti ueuejtlakamej tlen motlanechikol uan inijuantij nima kinnojnotsasej Katli kamanaltij ininuaya tepajtianij.

¿Kenijkatsa uelis mitspaleuisej Katli kamanaltij ininuaya tepajtianij? Ni toikniuaj kinmachtiaj kenijkatsa uelis kamanaltisej ininuaya tepajtianij uan abogados uan kinpaleuisej ma kikuamachilikaj kenke amo tijseliaj estli kema techpajtiaj. Inijuantij uelis kiniljuisej tepajtianij kenijkatsa mitspajtisej uan kiampa amo kitekiuisej estli, uan nojkia uelis kitemosej seyok tepajtijketl katli kena kinekis mitspajtis uan amo kitekiuis estli.

ACHTOUI XIKITA NOPA VIDEO ¿TLAKE TECHPALEUIS KUALI MA TIMOILJUIKAJ KENIJKATSA TIJTEKIUISEJ ESTLI?, UAN TEIPA XIJNANKILI NI TLAJTLANILI:

• ¿Tlake uelis tijchiuas tlaj se tonali tepajtianij kinekisej mitstlalilisej estli?

  textarea-1