Ipan itlamia tonali nochi tikixnamikij tlaouijkayotl. Kemantika timoiljuiaj ayokmo uelis tikijiyouisej. Maske kiampa tijyolmatisej, tlaj tikiljuisej Jehová ma techpaleui, uelis tikijiyouisej nochi tlen techpanos (Is 43:2, 4). Tlaj tikixnamiktok se tlaouijkayotl, ¿tlake mitspaleuis tijnechkauis Jehová?

Tlamaijtoli. Tlaj tikiljuiaj Jehová nochi tlen tijyolmatij, ya techmakas tlaseuilistli uan techpaleuis ma tikijiyouikaj tlen techpano (Flp 4:6, 7; 1Te 5:17).

Tlanechikoli. Ipan ni tonali tlauel moneki ma timomachtikaj tlen Biblia kiijtoua uan ma techyolchikauakaj toikniuaj ipan tlanechikoli (Heb 10:24, 25). Kema tiauij ipan tlanechikoli, kema timokualchijchiuaj uan kema titlanankiliaj, tijkauaj Jehová itonal ma techpaleui (Ap 2:29).

Tlajtolmoyaualistli. Tlaj tijchiuaj kampeka nochipa titlajtolmoyauasej techpaleuis amo ma timosentlalikaj ipan tokuesoljuaj. Kema titlajtolmoyauaj ininuaya toikniuaj, techpaleuia nojua kuali ma timouikakaj ininuaya uan nojkia iuaya Jehová (1Co 3:5-10).

ACHTOUI XIKITA NOPA VIDEO JEHOVÁ MITSMOKUITLAUIS, UAN TEIPA XIJNANKILI NI TLAJTLANILI:

• ¿Tlake kipaleuik Malu amo ma kitlauelkaua Jehová?

  Tlen timoiljuia

• Kej kipanok Malu, ¿kenijkatsa techyolchikaua Salmo 34:18?

  Tlen timoiljuia

• ¿Kenijkatsa tlen kipanok Malu kinextia Jehová techmaka “nopa ueyi chikaualistli” kema tikixnamikij tlaouijkayotl? (2Co 4:7).

  Tlen timoiljuia