Tlaj tijnekij Jehová kuali ma techita, moneki tijtlapejpenisej tlen ya kipaktia maske ipan Biblia amo ijkuilijtok se tlanauatili kampa kiijtoua tlen moneki tijchiuasej (Pr 27:11). ¿Kenijkatsa tijchiuasej?

Mojmostla ma timomachtikaj Biblia. Kema tijpouaj Biblia kejuak tiitstokej iuaya Jehová. Kema tikitaj kenijkatsa kinmokuitlauik itekipanojkauaj katli uejkajkia itstoyaj, uan timoyoliljuiaj tlen kuali uan tlen amo kuali kichijkej, techpaleuis ma tijmatikaj kenijkatsa moiljuia Jehová. Uan kema monekis tijtlapejpenisej tijchiuasej se tlamantli, toTeotsij itonal techpaleuis ma tikilnamikikaj tlen ya timomachtijkej ipan Biblia (Jn 14:26).

Ximomachti sekinok tlamachtili. Kema tijtlapejpenis tijchiuas se tlamantli, ximotlatsintoki: “¿Tlake tlapoualistli o textos tlen Biblia nechpaleuis ma nijmati tlake moiljuia Jehová ika tlen nijneki nijchiuas?”. Xikiljui Jehová ma mitspaleui uan xijtekiui nopa tlamachtili tlen eltok ipan motlajtol, kiampa tijmatis kenijkatsa tijchiuas ipan monemilis tlen Biblia kiijtoua (Sl 25:4).

ACHTOUI XIKITA NOPA VIDEO NOJUA ‘XIMOTLALO IPAN NOPA OJTLI’ UAN XIKIJIYOUI NOCHI: KUALI XIMOTLAMAKA, UAN TEIPA XIJNANKILI NI TLAJTLANILI:

• ¿Kenijkatsa kitetsopayayaj nopa ichpokatl?

  Tlen timoiljuia

• ¿Kenijkatsa uelis mitspaleuis nopa tlamachtili tlen tijpiaj kema tikixnamikis se keski tlaouijkayotl?

  Tlen timoiljuia

• ¿Kenijkatsa techpaleuis tlaj kuali timomachtisej kema ayamo tijtlapejpeniaj tlen tijchiuasej? (Heb 5:13, 14).

  Tlen timoiljuia