Jehová itlajtoltemakauaj sejse xiuitl kichiaj ika miak pakilistli kema moilnamikis Cristo imikilis. Kema nechka mochiuas uan kema ya mochijki, tijtemoliaj kenijkatsa uelis tijueyichiuasej Jehová uan tijtlaskamatilisej pampa temaktilik iKone (Ef 1:3, 7). Se neskayotl, tikintlaneuij sekinok nojkia ma mosentilikaj. Sekij toikniuaj kiitaj tlake tonali tlajtolmoyauasej pampa kinekij mochiuasej precursores auxiliares ipan marzo o abril uan uelis tlajtolmoyauasej 30 o 50 horas. ¿Mitspaktiskia nojua titlajtolmoyauas kema nechka tikilnamikisej Cristo imikilis? ¿Tlake uelis tijchiuas?

Kema timokualchijchiuaj, kuali kisa tlen tijnekij tijchiuasej (Pr 21:5). Nechka tikilnamikisej Cristo imikilis, yeka ya uelis timokualchijchijtiasej. Ximoiljui tlake mitspaktiskia tijchiuas kema moilnamikis Cristo imikilis uan tlen ueliskia tijchiuas. Teipa xikiljui Jehová ma mitspaleui ika tlen tijneki tijchiuas (1Jn 5:14, 15).

¿Timoiljuijtok sekinok tlamantli tlen uelis tijchiuas ipan tlajtolmoyaualistli kema moilnamikis Cristo imikilis?