Ni xiuitl peuas titetlaneuisej ipan febrero 27, uan tijchiuasej kampeka tikintlaneuisej nochi maseualmej ma kiilnamikikaj Cristo imikilis touaya. Tlaj se akajya kuali kiselik nopa amatl tlen ika titetlaneuisej moneki kuali tikitasej kenijkatsa tijpaleuisej.

TLEN UELISKIA TIKIJTOSEJ

“Tijnekiskiaj timitstlaneuisej xia ipan se tlanechikoli tlen tlauel ipati. Ni marzo 23, ipan nochi Tlaltipaktli miakej kiilnamikisej Cristo imikilis uan kitlakakilisej se tlamachtili tlen mokixtijtok ipan Biblia kampa moixtomas kenijkatsa tlauel techpaleuia Cristo imikilis. Ipan ni pilamatsi nesi kanke uan tlake hora mochiuas. Tlauel techpaktiskia tlaj timonechikos touaya.”

Tlaj nopa maseuali kuali mitstlakakilia . . .

• XIJMAKA TLEN TEMATILTIA

  Xijchiua tlen kinamiki uan kiampa sampa tijpaxaloti.

• XIJNEXTILI NOPA VIDEO MA TIKILNAMIKIKAJ CRISTO IMIKILIS

  Xijchiua tlen kinamiki uan kiampa sampa tijpaxaloti.

Kema sampa tijpaxaloti . . .

• XIJNEXTILI NOPA VIDEO ¿KENKE MONEKI TIMOMACHTIS BIBLIA?

  Xijmaka se amatlajkuiloli tlen ika titlamachtiaj ika Biblia.

• XIJMAKA AMOCHTLI ¿TLAKE NELNELIA TLAMACHTIA BIBLIA?

  Xijnextili tlen kiijtoua iamayo 206-208 kampa moixtoma kenijkatsa moilnamiki Cristo imikilis. Teipa uelis tijmakas nopa amochtli.

• XIJMAKA PILAMOCHTSI XIJTLAKAKILI TOTEOTSIJ

  Xijnextili iamayo 18, 19 uan xikixtomili kenke mijki Jesús. Teipa uelis tijmakas nopa pilamochtsi.