Nochi tlen Jehová kichijtok kinextia kipia miak chikaualistli (Sl 19:1-4; 139:14). Ipan ni tonali, miakej tlamachtiaj miak tlamantli tlen kenijkatsa tiyolkej. Uan ika tlen tlamachtiaj, kinextiaj amo kitlepanitaj toTeotsij (Ro 1:18-25). ¿Kenijkatsa uelis tikinpaleuis mokoneuaj amo ma kineltokakaj tlen sekinok tlamachtiaj? Maske nojua pilkonetsitsij uelis tikinmachtijtias ma kineltokakaj Jehová nelnelia itstok uan kiniknelia (2Co 10:4, 5; Ef 6:16). Xijchiua kampeka tijmatis tlaj mokoneuaj kineltokaj tlen kinmachtiaj ipan escuela, uan xijtekiui nopa amatlajkuiloli uan tlamachtili tlen kinpaleuis ma tlaneltokakaj ipan Jehová (Pr 20:5; Snt 1:19).

ACHTOUI XIKITA NOPA VIDEO TLEN TELPOKAMEJ UAN ICHPOKAMEJ KIIJTOUAJ: TITLANELTOKAJ IPAN TOTEOTSIJ, UAN TEIPA XIJNANKILI NI TLAJTLANILI:

• Miakej kiijtouaj katli ixtlamatij amo tlaneltokaj ipan toTeotsij, ¿nelia tlen kiijtouaj?

• ¿Tlake mitsmachtiaj ipan escuela?

• Ta, ¿kenke tijneltoka nelnelia itstok toTeotsij?

• ¿Kenijkatsa tijpaleuiskia se akajya ma kineltoka toTeotsij kichijchijki nochi tlen onka?