Jesús kiijtok: “San tlapik niinmechmaka [...], uajka axkema xitlainamakaj” (Mt 10:8). Tojuantij tijchiuaj tlen Jesús tlanauatik, pampa amo tijnamakaj nopa biblias o amatlajkuiloli tlen tikinmakaj maseualmej (2Co 2:17). Nopa amatlajkuiloli kipia tlamachtili tlen tlauel ipati. Motekiuia miak tomij kema kichijchiuaj amatlajkuiloli uan kititlanij ipan tlanechikoli, uan toikniuaj katli kichijchiuaj uan kititlanij amatlajkuiloli tlauel tekitij. Yeka, moneki tijuikasej san tlen tijtekiuisej.

Moneki kuali tikitasej ajkia inijuantij tikinmakasej amatlajkuiloli, nojkia kiampa moneki tijchiuasej kema titlajtolmoyauaj kampa nemij miakej (Mt 7:6). Amo ma tikinmakakaj amatlajkuiloli nochi maseualmej katli panoj. Uelis tijchiuasej kampeka timonojnotsasej ininuaya uan kiampa tijmatisej tlaj nelia kinekij kipouasej se amatlajkuiloli. Ma timoiljuikaj tlaj katli iuaya timonojnotsaj kichiua se tlen nopa tlamantli tlen kiijtoua nopa recuadro. Tlaj tikitaj se akajya amo kuali techtlakakilia, uelis tijmakasej se pilamatsi. Tlaj se maseuali techtlajtlania se pilamochtsi o seyok amatlajkuiloli, ma tijmakakaj (Pr 3:27, 28).