TLEN TLAUEL IPATI KATLI BIBLIA TLAMACHTIA | ISAÍAS 58-62
Ma titematiltikaj “nopa xiuitl kema Jehová kinextia kuali iyolo”
¿Tlake eli “nopa xiuitl kema Jehová kinextia kuali iyolo”:
61:1, 2, TNM
-
Eli nopa tonali kampa toTeotsij kinkaua maseualmej katli kuali ininyolo ma moyolkuepakaj uan kej nopa ma momanauikaj.
-
Ipan achtoui siglo, Jehová pejki kinextia “kuali iyolo” ipan xiuitl 29, kema Jesús pejki tlajtolmoyaua, uan tlanki “kema toTeotsij momakuep[ki]” ipan xiuitl 70, kema kitsontlamiltijkej Jerusalén.
-
Ipan ni tonali, Jehová pejki kinextia “kuali iyolo” ipan xiuitl 1914, kema Jesús pejki tekichiua ipan iluikak, uan tlamis kema mochiuas nopa ueyi tlaijiyouilistli.
Jehová techteochijtok ika “[uejueyi] kuatinij tlen kipiaj chikaualistli”
61:3, 4
-
Nopa uejueyi kuatitlamitl tlen onka ipan Tlaltipaktli mochiua pampa uejueyi kuatinij sansejko moskaltiaj. Ni kuatinij tlauel uejueyi mochiuaj pampa kejuak mopaleuiaj.
-
Nopa kuatinij moneljuayouijkomaj, yeka maske chikauak tlaajaka amo uetsij.
-
Nopa kuatinij tlen uejueyi kinekauiliaj tlen nojua moskaltijtiauij, uan ixiuiyo tlen tepeui, mokuepa abono.
Toikniuaj tlapejpenilmej katli nojua yoltokej, kinpaleuiaj uan kinmokuitlauiaj nochi Cristo itokilijkauaj katli itstokej ipan nochi Tlaltipaktli. Ni toikniuaj tlapejpenilmej elij “keja [uejueyi] kuatinij tlen kipiaj chikaualistli”.
