Tlaj timosentlalijtosej ipan tlamantli tlen tijselisej teipa, kuali titlaneltokatosej (Heb 6:19, TNM). Nopa techpaleuis amo ma tijtlauelkauakaj toTeotsij maske titlaijiyouisej (1Ti 1:18, 19). Kemantika techpano miak tlamantli tlen amo kuali: timokuapolouaj, tijpiaj kokolistli, miki se tlen tochampoyouaj o tijpolouaj tlen tijpiaj. Nopa tlaouijkayotl ueliskia kichiuas ma tijtlauelkauakaj toTeotsij.

Tlaj kuali titlaneltokaj uan timosentlaliaj ipan tlen tijselisej teipa, techpaleuis ma timotemachikaj toTeotsij temachtli kichiuas tlen kitenkajtok (2Co 4:16-18; Heb 11:13, 26, 27). Yeka, tlaj tijchiaj tiitstosej ipan iluikak o ipan Tlaltipaktli, moneki ma timoyoliljuikaj ipan tlen toTeotsij kitenkajtok kichiuas. Tlaj kiampa tijchiuasej, nochipa tiyolpaktosej maske titlaijiyouisej (1Pe 1:6, 7).

ACHTOUI XIKITA NOPA VIDEO “XIMOSENTLALI IPAN TLEN TIJSELIS TEIPA”, UAN TEIPA XIJNANKILI NI TLAJTLANILI:

• ¿Kenijkatsa uelis tijchiuasej kej Moisés kichijki?

• ¿Tlake tekitl moneki kichiuasej tetajmej?

• ¿Tlake tlamachtili uelis kitekiuisej kema momachtisej ininuaya ininchampoyouaj?

• Kema timosentlaliaj ipan tlen tijselisej teipa, ¿kenijkatsa techpaleuia ma tikixnamikikaj tlaouijkayotl?

• ToTeotsij kiijtojtok kichiuas miak kuajkuali tlamantli, ta ¿tlake tijneki ma moaxiti?