Ipan xiuitl 32, kema nechka mochiuaskia Pascua, Jesús kichijki se ueyi tlamantli. San ni ueyi tlamantli tlen kichijki nesi ipan nopa naui pilamochtsitsij: Mateo, Marcos, Lucas uan Juan.

Kej Jesús kichijki ipan nopa tonali nojua kichiua nama.

14:16-21

• Jesús kiniljuik itokilijkauaj ma kintlamakakaj tlauel miakej maseualmej, maske san kipixtoyaj makuili pantsi uan omej michimej.

• Jesús kikuik nopa pantsi uan nopa michimej, momaijtok uan kinmajmakak itokilijkauaj, uan inijuantij kinmajmakakej maseualmej.

• Nopa tlakualistli kinaxilik nochi maseualmej uan nojua mokajki. Jesús kintlamakak tlauel miakej maseualmej san ika se keskij itokilijkauaj.

• Jesús kiijtok ipan itlamia tonali kintlapejpeniskia ajkia inijuantij kinmakaskiaj itokilijkauaj nopa tlamachtili kema kinamikiskia (Mt 24:45).

• Ipan 1919 Jesús kintlapejpenik se keskij itokilijkauaj katli yasej iluikak; inijuantij elkej nopa “tlalnamijkatlatekipanojketl tlen nelia temachtli” uan kintekimakak ma kinmachtikaj sekinok itokilijkauaj.

• Kej Jesús kichijki ipan achtoui siglo, nojkia kichiua nama ika se keskij itokilijkauaj katli kintlapejpenijtok.

¿Kenijkatsa nijnextis nikintlepanita uan nikinneltoka katli Jesús kintekimakatok ma techmakakaj tlamachtili ipan ni tonali?