Kema Jesús itstoya ipan Tlaltipaktli kiijtok tlen toTeotsij tlanauatijtoya: “Xijtlepanitakaj inmotata uan inmonana” (Éx 20:12; Mt 15:4). Kiampa kiijtok pampa kema eliyaya telpokatl nochipa kintlepanitak itatauaj (Lu 2:51). Uan kema nechka mikiskia kitemok ajkia kimokuitlauiskia inana kema ya ayokmo itstoskia (Jn 19:26, 27).

Ipan ni tonali, Cristo itokilijkauaj katli telpokamej nojkia kinextiaj kintlepanitaj inintatauaj kema kinneltokaj uan kinnojnotsaj ika tlatlepanitakayotl. Moneki nochipa tikintlepanitasej totatauaj maske ya tiuejueyij. Maske inijuantij ueuejtiasej, kema techtlajtolmakasej moneki tikintlakakilisej, kiampa tijnextisej tikintlepanitaj (Pr 23:22). Nojkia tijnextiaj tikintlepanitaj kema tijchiuaj kampeka tijkuamachilisej tlen kiyolmatij uan kema tikinmakaj tlen ika mopanoltisej (1Ti 5:8). Tlaj titelpokamej o tlaj ya tiuejueyij, nochi uelis tijnextisej tikintlepanitaj totatauaj tlaj nochipa timonojnotsasej ininuaya.

XIKITA NOPA VIDEO ¿KENIJKATSA TIMONOJNOTSAS ININUAYA MOTATAUAJ?, UAN TEIPA XIJNANKILI NI TLAJTLANILI:

• ¿Kenke kemantika tijmati ouij timonojnotsas ininuaya motatauaj?

• ¿Kenijkatsa tijnextis tikintlepanita motatauaj kema timonojnotsas ininuaya?

• ¿Kenke tlauel kuali tijchiuas kampeka timonojnotsas ininuaya motatauaj? (Pr 15:22).