¿KENKE TLAUEL MONEKI? Biblia kiijtoua: “Uejkatla ipan iyolo sejse tlakatl eltok nopa tlamantli tlen yajaya achi más kiita para ipati”, yeka tlaj kuali tijtekiuiaj tlajtlanili, tijmatisej tlake moiljuiaj sekinok (Pr 20:5). Tlaj kuali timoiljuiaj tlen tikintlajtlanisej, katli techtlakakiliaj kiijtosej tlen moiljuiaj uan nojkia tijmatisej tlen kiyolmatij. Jesús kuali kitekiuik tlajtlanili. ¿Kenijkatsa tijchiuasej kej ya?

¿TLAKE UELISKIA TIJCHIUAS?

• Xijchiuili tlajtlanili tlen uelis kinankilis. Jesús kinchiuilik itokilijkauaj se keski tlajtlanili, kiampa kimatki tlen inijuantij moiljuiyayaj (Mt 16:13-16; be-S iamayo 238 párrs. 3-5). ¿Tlake tlajtlanili ueliskia tikinchiuilis katli mitstlakakiliaj?

• Xijchiuili tlajtlanili tlen kipaleuis ma kikuamachili se tlamantli. Jesús kichiuilik Pedro se keski tlajtlanili pampa kinekiyaya ma kikuamachili amo kuali tlen moiljuiyaya, uan kiiljuik se keski tlamantli tlen kipaleuik ma kiita kenke mokuapolojtoya (Mt 17:24-26). ¿Tlake tlajtlanili ueliskia tijchiuilis se akajya uan kiampa tijpaleuis ma kikuamachili se tlamantli?

• Kema mitsnankilis, xikiljui kuali kej mitsnankilik. Kema Jesús monojnotstoya iuaya se escriba uan “kikajki nopa tlakatl kinankilik xitlauak”, kiiljuik kuali tlen kichijtoya (Mr 12:34). ¿Tlake ueliskia tikiljuis se akajya kema kuali mitsnankilis?

XIKITA NOPA ACHTOUI NESKAYOTL TLEN NESI IPAN VIDEO MA TIJCHIUAKAJ NOPA TEKITL TLEN JESÚS KIPEUALTIK: MA TITLAMACHTIKAJ, UAN TEIPA XIJNANKILI NI TLAJTLANILI:

• Maske nopa toikni katli tlamachtia kuali tlen kiijtok, ¿kenke amo kinamiki kiampa tlamachtis?

• ¿Kenke amo kinamiki san tikixtomasej se tlamachtili?

XIKITA NOPA OMPA NESKAYOTL TLEN NESI IPAN VIDEO UAN TEIPA XIJNANKILI NI TLAJTLANILI:

• ¿Kenke uelis tikijtosej nopa toikni kuali kitekiuik tlajtlanili?

• ¿Kenijkatsa uelis titlamachtisej kej kichijki nopa toikni?