Jesús kitekiuik neskayotl uan kiampa kinextik amo kuali tijchiuasej se tlamantli tlen ueliskia kichiuas ma titlajtlakolchiuakaj o sekinok ma mokuapolokaj.

18:6, 7

• Nopa tlajtoli “tlamantli tlen kinyoltilana ma tlajtlakolchiuakaj” kiijtosneki tlen se akajya kichiua o kipano, tlen ueliskia kichiuas ma mokuapolo o ma tlajtlakolchiua.

• Tlaj se akajya kichiuas seyok ma mokuapolo o ma tlajtlakolchiua, ma mokechilpili se ueyi tetl uan ma mokuamajkaua ipan ueyi atl.

18:8, 9

• Jesús kiniljuik itokilijkauaj ma mokixtilikaj se tlamantli tlen tlauel ipati, kej ininma o ininikxi, tlaj ya nopa kichiuayaya ma tlajtlakolchiuakaj.

• Tlauel kuali tlaj kipolosej se ininma o ininikxi tlaj ya nopa kinpaleuis ma kalakikaj ipan toTeotsij iTlanauatijkayo, uan amo ma kipixtokaj nochi inintlakayo uan kintsontlamiltisej ipan Gehena; ni tlajtoli kiixnextia ayokmo kema itstosej katli kintsontlamiltisej.

¿Tlake ueliskia kichiuas ma nitlajtlakolchiua? ¿Tlake nechpaleuis amo ma nitlajtlakolchiua yon sekinok ma tlajtlakolchiuakaj?