Kema tijtlachiliaj xochitl, sitlalimej o ueyi atl, ¿timoiljuiaj ipan toTeotsij katli kichijchijki nochi tlamantli tlen onka? Tlen toTeotsij kichijchijtok techpaleuia ma “tikitakaj” nopa kuajkuali tlamantli tlen ya kinextia (Ro 1:20). Kema timoyoliljuiaj ipan tlen toTeotsij kichijchijtok, tikitaj ichikaualis, itlaiknelil, itlalnamikilis, temaka tlen kipia uan kichiua tlen xitlauak (Sl 104:24).

¿Tlake tlamantli tlen toTeotsij kichijchijtok tikita mojmostla? Maske tlaj tiitstok ipan se ueyi altepetl, uelis tikinitas totomej uan kuatinij. Tlaj tijtlachilia tlen toTeotsij kichijchijtok, mitspaleuis ayokmo tlauel ximotekipacho uan tikitas kuesoli kej kinamiki, nojkia timotemachis Jehová nochipa mitsmokuitlauis (Mt 6:25-32). Tlaj tikinpia mokoneuaj, xikinpaleui nojkia ma kiitakaj nopa kuajkuali tlamantli tlen Jehová kinextia. Tlaj tijpatiitaj nochi tlen ya kichijchijtok, techpaleuis nojua ma timonechkauikaj iuaya (Sl 8:3, 4).

ACHTOUI XIKITA NOPA VIDEO NOCHI TLAMANTLI TLEN ONKA KIUEYICHIUA TOTEOTSIJ: TLAUILI UAN COLORES, UAN TEIPA XIJNANKILI NI TLAJTLANILI:

• ¿Tlake tlamantli kichiua ma tikitaj nopa colores?

• ¿Kenke sekij colores mopajpatla?

• ¿Kenke kemantika ipan iluikaktli nesi miak colores?

• ¿Tlake colores onka kampa ta tiitstok?

• ¿Kenke moneki kuali tijtlachilisej tlen toTeotsij kichijchijtok?