Kej ueliskia titemakas amatlajkuiloli
TLEN TEMATILTIA
Tlajtlanili: Tlaj Biblia nelia toTeotsij iTlajtol, ¿timoiljuia se tonali uelis kitlamiltisej?
Texto: Isa 40:8
Amatlajkuiloli: Ni pilamochtsi kiixtoma kenke ipan ni tonali tijpiaj se Biblia uan kenijkatsa amo aka ueltok kitlamiltia.
TLEN TEMATILTIA (kampa tlami)
Tlajtlanili: Nijnekiskia nijmatis kenijkatsa tijnankiliskia ni tlajtlanili [xijpouili nopa achtoui tlajtlanili tlen eltok ipan iamayo 32]. Sekij kiijtouaj nopa religión san maseualmej kipeualtijkej. Uan sekinok moiljuiaj toTeotsij kitekiuia nopa religión pampa kineki maseualmej ma kinechkauikaj. Ta, ¿tlake timoiljuia?
Texto: Snt 1:27
Amatlajkuiloli: Ipan ni tlamachtili tikitas sekinok tlamantli tlen Biblia kiijtoua tlen religión. Nijnekiskia niualas seyok tonali uan nimitsixtomilis se keski tlamachtili tlen nikaj uala.
¡TOTEOTSIJ TECHMAKA KUALI TLAMACHTILI!
Tlajtlanili: Miakej kiijtouaj kema kipouaj tlen Biblia kiijtojtok panos teipa, eli kejuak kipouaskiaj se periódico. Kej kiijtoua ni texto, ¿tlake tlamantli tikita pano ipan ni tonali?
Texto: 2Ti 3:1-5
Amatlajkuiloli: Ni pilamochtsi kiixtoma kenijkatsa nochi tlamantli tlen nama pano, techpaleuia ma tijkuamachilikaj tlake kuali tlamachtili techmaka toTeotsij [xijnextili nopa tlamachtili 1, tlajtlanili 2].
XIKIJKUILO TLEN UELISKIA TIKIJTOS
Xijchiua kej nikaj nesi uan xikijkuilo tlen ueliskia tikijtos kema titlajtolmoyauas.
