KEJ TIMONEJNEMILTIAJ
¿Ueliskia timochiuas precursor regular se xiuitl?
Tlaj timochiuas precursor regular tijpias miak tlateochiualistli (Pr 10:22).
TLAJ TIMOCHIUAS PRECURSOR:
-
Kuali titlajtolmoyauas uan mitspaktis tijchiuas.
-
Kuali timouikas iuaya Jehová pampa kema titlajtolmoyauas uan tikiniljuis maseualmej ajkia toTeotsij, mitspaleuis xikilnamikto nopa kuajkuali tlamantli tlen ya kinextia.
-
Kuali tijyolmatis pampa tijnextis tlauel tijpatiita tijtekipanos toTeotsij uan tlauel tiyolpakis pampa tikinpaleuia sekinok (Mt 6:33; Hch 20:35).
-
Uelis tias ipan nopa tlanechikoli tlen kichiua toikni katli techpaxaloua chijchikuasej metstli, ipan tlanechikoli tlen mochiua kema nechka mochiuas ueyi tlanechikolistli tlen se tonali uan Kampa kinmachtiaj precursores.
-
Uelis tikiniljuis miakej tlaj kinekij momachtisej Biblia uan uelis tikinmachtis.
-
Tlauel titlajtolmoyauas ininuaya toikniuaj uan uelis inmoyolchikauasej (Ro 1:11, 12).
