KUALI MA TITLAMACHTIKAJ: XIYOLPAKI KEMA TITLAJTOLMOYAUA
Ma asi ipan iyolo tlen tijmachtis
Kema se akajya kichiua tlen Jehová kineki, moneki kisas ipan iyolo (Pr 3:1). Yeka, ma tijchiuakaj kampeka ma asi ipan ininyolo maseualmej tlen tikinmachtiaj. ¿Kenijkatsa tijchiuasej?
Amo san xijmachti tlen Biblia tlamachtia. Xijpaleui ma kiita tlen momachtia kipaleuis ipan inemilis uan kuali mouampojchiuas iuaya Jehová. Nojkia, xijpaleui ma kiita ipan Biblia Jehová kinextia teiknelia, tetlasojtla uan nochipa kichiua tlen xitlauak. Ika tlatlepanitakayotl xijtlatsintoki uan kiampa kiitas kenijkatsa kipaleuia tlen momachtia. Uan xijpaleui ma kiita tlauel kuali itstos tlaj ayokmo kichiuas tlen Jehová amo kipaktia. Tlauel tiyolpakis kema tikitas katli tijmachtia tlauel kiiknelia Jehová.
ACHTOUI XIKITA NOPA VIDEO TIYOLPAKIS TLAJ TIJPALEUIS SE MASEUALI. XIMOMACHTI KUALI TITLAMACHTIS: MA ASI IPAN IYOLO TLEN TIJMACHTIS, UAN TEIPA XIJNANKILI NI TLAJTLANILI:
-
¿Kenke Rita kitlatsintoki Jade tlaj moiljuijtoya ipan tlen kamanaltitoyaj martes?
-
¿Kenijkatsa Rita kipaleuik Jade ma kiita tlen Jehová kiiljuia ma kichiua eli pampa kiiknelia?
-
Tlaj katli tijmachtiaj asi ipan iyolo tlen momachtia, kipaleuis ma kitekipano Jehová.
¿Tlake kichijki Rita uan kiampa Jade ueliskia kinextis nelia kiiknelia Jehová?
