Biblia kiijtoua moneki tikinitasej toikniuaj katli ya uejueyij kej totatauaj uan katli telpokamej kej toikniuaj (xijpoua 1 Timoteo 5:1, 2). Uan tlakamej moneki tlauel kintlepanitasej tosiuaikniuaj uan kipatiitasej.

Se toikni amo kema kichiuaskia se tlamantli tlen ueliskia kichiuas se tosiuaikni amo kuali ma kiyolmati (Job 31:1). Se toikni katli amo mosenkajtok amo kinamiki kinextis kiixtoka se tosiuaikni, tlaj amo nelia kineki mosenkauas iuaya.

Ueuejtlakamej moneki kuali kintlakakilisej tosiuaikniuaj kema kinekij kimatisej se tlamantli. Nojkia, kema kiniljuiaj kenijkatsa kinamiki monejnemiltisej moneki kichiuasej ika tlatlepanitakayotl. Uan tlauel kintlepanitaj tosiuaikniuaj katli amo kipiaj ininueue katli kinpaleuis (Rut 2:8, 9).

ACHTOUI XIKITA NOPA VIDEO MA TIKINNEXTILIKAJ TOIKNIUAJ SE TLAIKNELILI TLEN AXKEMA TLAMIS: KAUALMEJ UAN IKNOTSITSIJ, UAN TEIPA XIJNANKILI NI TLAJTLANILI:

• ¿Kenijkatsa toikniuaj kinextijkej kiikneliaj tosiuaikni Myint?

• ¿Kenijkatsa kinpaleuik ikalnechkauaj tosiuaikni Myint kema kinitakej kiikneliaj?

• ¿Kenijkatsa kinpaleuik iichpokauaj Myint kema kiitakej toikniuaj kiikneliaj ininnana?

¿Kenijkatsa uelis tijnextis tikiniknelia tosiuaikniuaj tlen tlanechikoli?