Ipan septiembre, tijchiuasej kampeka tijpeualtisej tikinmachtisej miakej maseualmej ika pilamochtsi Nochipa xiitsto. Ipan nopa metstli uelis titlatekipanosej kej precursores auxiliares uan titemakasej 30 horas. ¿Kenijkatsa uelis tijchiuasej?

• Kema tijnojnotsas. Xijtekiui tlamachtili tlen uala kampa tlami pilamochtsi Nochipa xiitsto, kiampa nopa maseuali kinekis kimatis sekinok tlamantli uan xijchiua kampeka tijnextilis kenijkatsa titlamachtiaj ika Biblia. Amo xikinilkaua katli kuali mitstlakakilijkej, kej katli ipa tikinnojnotstok. Uan katli achtouia amo kinejkej momachtisej, pampa uelis nama kena kinpaktis nopa pilamochtsi uan kej titlamachtiaj. Amo tijkauasej ni pilamochtsi kampa amo aka itstok yon tikintitlanilisej katli amo kuali techtlakakilijkej. Nopa Eyij ueuejtlakamej tlen kiitaj se keski tekitl ipan tlanechikoli, uelis kiitasej tlake sekinok tonali nojkia tlajtolmoyauasej toikniuaj.

• Kampa nojkia uelis tikiniljuis tlaj kinekij momachtisej. Tlaj ipan motlanechikol tlajtolmoyauaj ika carritos, uajka xijtlalikaj pilamochtsi Nochipa xiitsto. Tlaj se maseuali kineki kiuikas nopa pilamochtsi, xikiljui nojkia uelis kimachtisej ika Biblia uan amo kiinamasej. Uelis tikiljuis kenijkatsa titlamachtiaj ika Biblia o tikiljuis seyok tonali tikixtomilis. Toikni katli kiyakana tlajtolmoyaualistli uelis kiniljuis se keskij toikniuaj katli kuali tlamachtiaj, ma yakaj kampa tlanamakaj uan ma kintemotij katli kinekij momachtisej. Nojkia, uelis tikiniljuis katli ininuaya titekiti o sekinok tlaj kinekij momachtisej Biblia.

Jesús kiijtok ma tikinmachtikaj uan ma tikinpaleuikaj maseualmej ma mochiuakaj itokilijkauaj (Mt 28:19, 20, TNM). Kema ipan septiembre titemakasej pilamochtsi Nochipa xiitsto, tijnekij ma techpaleui tijchiuasej nopa tekitl.