Ipan Biblia nesi kenijkatsa Jehová kinnankilik itekipanojkauaj. Inijuantij kiitakej kenijkatsa ya motekipachouayaya ipan tlen kinpanoyaya uan nopa kinpaleuik nojua kuali ma tlaneltokakaj. Yeka, tlauel ipati xitlauak ma tikiljuikaj Jehová tlen tijyolmatij uan ma tikitakaj kenijkatsa technankilia. Moneki tikilnamikisej kemantika Jehová amo technankilia kej tijnekiskiaj o uelis kichiuas sekinok tlamantli maske amo tijtlajtlanijtoyaj (2Co 12:7-9; Ef 3:20). Ma tikitakaj kenijkatsa technankilia.

• Techmaka chikaualistli, techpaleuia kuali ma tijyolmatikaj uan kuali ma titlaneltokakaj, kiampa tikixnamikisej kuesoli (Flp 4:13).

• Techpaleuia tijpiasej tlalnamikilistli kiampa kuali tijtlapejpenisej tlen tijchiuasej (Snt 1:5).

• Techpaleuia ma tijpiakaj chikaualistli uan ma tijnekikaj tijchiuasej se tlenijki (Flp 2:13).

• Techmaka tlaseuilistli kema timokuesouaj (Flp 4:6, 7).

• Kinyololinia sekinok ma techpaleuikaj uan ma techyolchikauakaj (1Jn 3:17, 18).

• Kinpaleuia sekinok kema tijtlajtlaniaj ma kinpaleui (Hch 12:5, 11).

ACHTOUI XIKITA NOPA VIDEO JEHOVÁ TECHTLAKAKILIA KEMA TIMOMAIJTOUAJ, UAN TEIPA XIJNANKILI NI TLAJTLANILI:

• ¿Kenijkatsa kinyolchikaua katli mokokouaj tlen kipanok toikni Shimizu?

• ¿Kenijkatsa uelis tijchiuasej kej toikni Shimizu?