Tijnekij tijyolpakiltisej Jehová, yeka timosentlaliaj tijchiuasej se keski tekitl ipan tlanechikoli. Tlaj tijnekij nojua tlauel titlatekipanosej, moneki tijkixtisej tonali uan tijtekiuisej tochikaualis (1Ti 4:15). ¿Kenke moneki nochipa tikilnamikisej tlen timosentlalijtokej? Pampa kemantika mopatla kej tiitstokej, uan nopa uelis kichiuas ayokmo ma tijchiuakaj tlen timoiljuijtoyaj. O uelis ya tijchijkej uan nojua uelis timosentlalisej tijchiuasej seyok tekitl.

Tlauel mitspaleuis tlaj timoiljuis tlen timosentlalijtok tijchiuas kema ayamo asi septiembre pampa ipan nopa metstli peua titlatekipanouaj. Nojkia, xikamanalti ininuaya mochampoyouaj kema inmomachtisej sansejko. Uelis inkiijtosej tlake uelis inkichiuasej.

¿Ya timosentlalijtok tijchiuas ni tlamantli, uan timoiljuijtok kenijkatsa tijchiuas?