Jehová kineki ma tiyolpakikaj ininuaya tochampoyouaj (Sl 127:3-5; Ec 9:9; 11:9). Maske kiampa kineki, kemantika amo tiyolpakij pampa timotetsoptokej ika se tekitl, timoixpanoj o timokuapolouaj. ¿Tlake uelis tijchiuasej tlaj tijnekij tiitstosej ika pakilistli ininuaya tochampoyouaj?

Se tlakatl moneki tlauel kipatiitas isiua (1Pe 3:7). Moneki itstos iuaya, kikuamachilis uan kinextis tlauel kitlaskamati pampa kipaleuia uan kinmokuitlauia ichampoyouaj (Col 3:15). Nojkia moneki kiiljuis kiiknelia uan kipatiita (Pr 31:28, 31).

Se siuatl moneki nochipa kipaleuis iueue (Pr 31:12). Kitlepanitas uan kipaleuis kema kitlapejpenis se tlenijki (Col 3:18). Moneki kuali kinojnotsas uan kamanaltis kuali tlen iueue ininixpa sekinok (Pr 31:26).

Tetajmej moneki itstosej ininuaya ininkoneuaj (Dt 6:6, 7). Kiniljuisej kinikneliaj (Mt 3:17). Nojkia kiitasej kema uan kenijkatsa kintlalnamiktisej, uan kichiuasej ika tlaiknelili (Ef 6:4).

Konemej moneki kiniknelisej inintatauaj uan kintlepanitasej (Pr 23:22). Kiniljuisej tlen moiljuiaj uan kiyolmatij. Nojkia amo kinamiki kualanisej kema kintlalnamiktiaj (Pr 19:20).

ACHTOUI XIKITA NOPA VIDEO ¿TLAKE MITSPALEUIS XIYOLPAKI IKA MOCHAMPOYOUAJ?, UAN TEIPA XIJNANKILI NI TLAJTLANILI:

¿Tlake kichijkej toikni uan ichampoyouaj pampa kinekiyayaj yolpakisej?