KEJ TIMONEJNEMILTIAJ
Tekitij chikauak pampa kinekij techpaleuisej
Toikniuaj katli tepaxalouaj chijchikuasej metstli uan ininsiuajuaj, tekitij chikauak pampa kiikneliaj Jehová uan techikneliaj. Inijuantij nojkia kinpoloua se keski tlamantli, mokuesouaj o kintekipachoua se tlamantli (Snt 5:17). Maske kiampa kiyolmatij, kichiuaj kampeka sejse semana kinpaxalosej toikniuaj ipan inintlanechikol uan kinyolchikauasej. ¡Yeka tlauel tikinpatiitaj ni toikniuaj! (1Ti 5:17).
Kema apóstol Pablo yajki Roma, kinekiyaya kinyolchikauas uan ma kiyolchikauakaj toikniuaj (Ro 1:11, 12). Uajka, nojkia ximoiljui kenijkatsa uelis tijyolchikauas ni toikniuaj.
ACHTOUI XIKITA NOPA VIDEO TLEN KICHIUA SE TOIKNI KATLI TEPAXALOUA CHIJCHIKUASEJ METSTLI IPAN SE PILALTEPETSI, UAN TEIPA XIJNANKILI NI TLAJTLANILI:
-
¿Tlake kichiuaj toikniuaj katli tepaxalouaj chijchikuasej metstli uan ininsiuajuaj pampa techikneliaj?
-
¿Kenijkatsa mitspaleuijtokej?
-
¿Kenijkatsa uelis tikinyolchikauasej?
