TLEN TLAUEL IPATI KATLI BIBLIA TLAMACHTIA | SALMOS 45-51
Jehová sampa kuali kinselia katli nelnelia moyolkuepaj
Natán kitlajtolmakak David pampa kichijki se ueyi tlajtlakoli iuaya Bat-seba, uan teipa David kiijkuilok nopa Salmo 51. Tlauel kiyolkokok itlalnamikilis, yeka kiijtok nopa tlajtlakoli tlen kichijtoya (2Sa 12:1-14).
Maske David tlajtlakolchijtoya, sampa ueliskia kuali mouikas iuaya Jehová
51:3, 4, 8-12, 17
-
Kema ayamo moyolkueptoya yon kiijtojtoya nopa tlajtlakoli tlen kichijtoya, amo kuali kiyolmatiyaya uan tlauel mokuesojtoya.
-
Pampa David kiixpanotoya toTeotsij tlauel mokuesojtoya uan kimatiyaya kejuak kipojpostekilijtoyaj iomiyouaj.
-
Kinekiyaya toTeotsij ma kitlapojpoljui, kiampa sampa ueliskia kuali mouikas iuaya uan sampa yolpakiskia kej achtouia.
-
Kiiljuik Jehová ma kipaleui uan kiampa nochipa kineltokas.
-
Motemachiyaya Jehová kitlapojpoljuiskia.
